O MAIO

Hoxe foi dia de maios.

A pesares do que choveu esta fin de semana houbo fiuncho, flores e ovos abondo para montar o noso maio.

Foi unha actividade na que todo o colexio participou.

Mentras os maiores enfiaban o fiuncho para facer a base do maio, outros cortaban os talos das flores para que outros as enfiaran facendo grilandas coloridas.

Logo do recreo, como chovía, baixamos ao ximnasio para cantar os maios que fixemos e aprendemos entre todos.

Os alumnos e as alumnas de 6º de primaria andaron e cantaron arredor do maio.

Gracias a Jose, o noso conserxe, a estrutura do maio que quedará de aquí en adiante preparada para os maios do cole.

DIA MUNDIAL DO LIBRO

Este luns celebramos no colexio, un ano máis,   unha xornada de lecer e lectura coas actividades de “Libros a Fóra” na que facemos unha xornada de lectura no patio enparellados nenos e nenas de distinto nivel lector. 

 Calquera recuncho valía. 

 Uns querían sol e outros sombra.

Calquer sitio era bo.

Por sorte acompañóunos o bo tempo un ano máis.

Todos o alumnado escolle un do seus libros preferidos para llo contar a súa parella lectora no patio. 

 Os voluntari@s da biblioteca recollen aos máis pequeniños e encárganse da recollida dos libros da biblioteca para levalos os andeis.

Rematando a última sesión baixamos ao patio cuberto para a "Lectura Colectiva do Quixote", este ano o capítulo escollido foi La aventura de Calvileño. 

Leron dúas nais, dous voluntarios e dous profesores representando a comunidade educativa neste acto aberto a todos.

Se queredes ver máis...

Graciñas a toda a comunidade educativa pola súa colaboración.

OOOLA!!

HOXE MIREI DENTRO DA CAIXA E

XA VAI HABENDO RESPOSTAS.

ANIMÁDEVOS!!

QUE NON SON TAN DIFÍCILES.

QUE ANIMALIÑOS SERÁN?

AÍNDA TEDES UNHA SEMANA DE MARXE

 PARA RESOLVELOS.

boOOOa sorte!!

A ovella Engracia

Onte fomos todo o alumnado de infantil e as profes ao teatro a ver “A ovella Engracia” en Pontevedra no Pazo da Cultura.

As ovellas Blanca e Engracia contáronos as aventuras que lle aconteceron a ovella Engracia cando escapou pola noite para saber como era a Lúa.

Había uns músicos que tocaban o piano, o contrabaixo e a batería  cando a ovella Blanca cantaba as cousas que lle ían pasando a Engracia na súa escapada.

Nós tamén cantamos con ela.

Atopóuse cunha serpe e cunha loba. 

¡¡Era a nai de Orbil !!

A obra foi moi entretida. Rimos, cantamos e aplaudimos a rabiar.

Cando saímos do teatro estaba Orbil esperando para saudarnos.

Á volta fixemos uns debuxos do que máis nos gustou.

Aí volos deixamos

Vaia artistas!

PINCORETOS ADIVIÑAS

OOOLA!!

XA SEI QUE ANDADES INVESTIGANDO

TODO SOBRE OS ANIMAIS, PEEEERO…

QUERO PROPOÑERVOS UNS PEQUENOS RETOS.

  OS VENRES ESCRIBIREI NO BLOG UNHAS ADIVIÑAS E/OU XEROGLÍFICOS PARA RESOLVER. .

SERIADES QUEN DE AVERIGUAR ESTAS DÚAS ADIVIÑAS?

primeira:

 de celda en celda vou

pero presa non estou.

segunda:

sal ao campo polas noites

se me queres coñecer.

son señor de grandes ollos,

cara seria e gran saber.

      NORMAS DO PINCORETO:    :

1.      as respostas clariñas Co voso nome co curso no que estades (NON SON ADIVIÑO).

 2.      DEIXADE AS RESPOSTAS NA CAIXA DOS OLLOS QUE ESTARÁ NOS EXPOSITORES DA ENTRADA.

          3.      haberá unha listaxe cos gañadores e gañadoras

ao remate desta actividade no blog e no mural da biblioteca.

 4.      TEDES DÚAS SEMANAS PARA RESOLVER CADA PINCORETO.

boa sorte!!

SAÍDA Á BIBLIOTECA DE ARCADE

OOOLA!!

QUE BEN O PASAMOS NA BIBLIOTECA DE ARCADE CON MIGALLAS CELEBRANDO O DÍA INTERNACIONAL DO LIBRO INFANTIL E XUVENIL CON TODOS OS NENOS E NENAS DE INFANTIL DA CONTORNA.

CANTAMOS UNHA CHEA DE CANCIÓNS FACENDO XESTOS E TOMÁMOSLLE O PELO A ANTÓN.

RÍMONOS MOITO COAS PAIASADAS QUE FACÍAN ROSIÑA E ANTÓN E SAÍMOS BEN LEDOS.

MIRAMOS MOITOS NENOS E NENAS COAS QUE XOGAMOS NO PARQUE DE ARCADE.

Á VOLTA FIXERON UNS DEBUXOS DO QUE MÁIS LLE GUSTARA. 
AHÍ VOLOS DEIXO.

ATA PRONTO!

Visita ao Salón do Libro

Hoxe visitamos en Pontevedra o Salón do Libro.

Recibiunos Orbil, houbo apertas para todos os grupos, mesmo lle tomou o pelo aos alumnos e alumnas de infantil facendo que papaba a súa mascota.

Mentras esperabamos para entrar visitamos a zona de lecer do Salón, 

gozando dos distintos recunchos que teñen alí montados coa temática de México, o país convidado nesta edición.

Houbo momentos para as cancións, rancheras e corridos que sabían algúns alumnos,o Profe Sergio e a profe Josefa;

momentos na BEBETECA cos máis novos, no RECANTO LECTOR e merendando na CANTINA.

Logo da merenda repartímonos en varios grupos nos que uns ían a obradoiros e outros a contacontos.

 Cando remataron as actividades fixemos unha visita cos monitores por toda a exposición mirando os traballos presentados,facendo xogos nos distintos espazos habilitados polo Salón do Libro.

 O que fixemos nós tamén!!

As paredes estaban decoradas cos nomes de profesións necesarias para a creación e difusión dun libro e as súas definicións, MULLERES DE CONTO: 

narradora, escritora, ilustradora, tradutora, editora, libreira, mestra, lectora, bibliotecaria…

Ao final tremenda molladura no camiño do autobús ata ao colexio, pero pagou a pena.

Salón do libro 2018

Xa temos exposto o noso traballo no Salón do Libro. 

Este martes imos ir a Pontevedra todas as  clases do colexio a visitar a exposición.
Veremos os traballos que presentaron os outros colexios e, por suposto, O NOSO.

Participaremos en obradoiros e  nas actividades de contacontos que nos teñen preparadas.

Para todos aqueles que  queran botarlle unha ollada ao noso CONTO de MULLERES premendo na cuberta poderedes velo.