Dálle á Lingua

OOOLA!!

OUTRO CURSO MÁIS DÁMOSLLE Á LINGUA.

ACHEGÓUSE ONTE ATA O COLE LORENA, DE ONDA CERO, E GRABOU NA BIBLIOTECA A UN GRUPO DE ALUMNAS E ALUMNOS  DE TODOS OS CURSOS.

LERON OS ARTIGOS QUE REDACTARON NAS AULAS PARA O BOLETÍN Nº9  DE A VOZ DO VERDUGO , ADICADO ÍNTEGRAMENTE AO 

CAMIÑO PORTUGUÉS DE SANTIAGO.

FIXÉSTELO ESTUPENDAMENTE.

A EMISIÓN DAS LECTURAS SERÁ   DO LUNS 3 DE XUÑO ATA O VENRES 14, DÚAS SEMANAS DE LUNS A VENRES. 

A PARTIR DAS 11:50 DA MAÑÁ. PODEREMOS ESCOITALO EN DIRECTO, EN ONDA CERO.

OLLO!, TOMADE NOTA: 

·       NA RADIO NO DIAL 103.6 FM.

·       NA APP SELECCIONANDO "Pontevedra".

·        E NA INTERNET : https://www.ondacero.es/emisoras/galicia/pontevedra/directo/

ATA LOGUIÑO!

Educación en Valores

O alumnado de 6º de primaria traballou dous días esta semana  os valores polo miúdo a través dun obradoiro na aula.

Comprobaron canto inflúe a percepción que temos dos demais á hora de transmitir e recibir a información.

Abril, mes dos Libros

Vaia mes que levamos!

Martes 2, o alumnado de Primaria música con POeXÍA.

Martes 9, SuperLíderes  de terceiro curso.

Xoves 11, Obradoiro de Lingua MEIGALLO para 5º e 6º.

Venres 12, as voluntarias van á Escola infantil de Soutomaior e ao Centro de día "Boas Apertas" en Arcade.

O 23 tivemos xornada intensa, todo infantil foi a ver a obra de teatro “Guyi,Guyi” ao auditorio de Afundación, en Pontevedra e logo ao café moderno a ver unha exposición de fotos de mulleres familiares de distintas idades e o seus traballos.

Comezamos o día 24 coa lectura colectiva dun capítulo de “O Quixote” para toda a Comunidade Educativa. Participaron familias, voluntari@s e mestres. Este curso foi na sala de usos múltiples, xa que chovía a mares. 

Por segundo día, a actividade “libros a fóra” dentro outra vez, xa co alumnado de infantil. Repartíronse por todo o centro e atopabas lendo parellas, trios e/ou algún grupiño segundo por onde miraras.

Estes dous días a colaboración do alumnado voluntario foi valiosísima.

O alumnado de 6º de Primaria comezou un obradoiro de educación de valores na súa aula.

O xoves houbo unha charla sobre Arte Rupestre para o alumnado de 3º, 4º e 5º, previa a saída que fixeron o venres 26. Na clase de sexto curso remataron a actividade de Valores.

Día do Libro

Dentro das actividades programadas no Día do Libro, o alumnado de infantil tivo sesión dobre en Pontevedra.

Primeiro foron ao Auditorio de Afundación para ver o espetáculo   "Guyi-Guyi" de Periferia Teatro.

 

Cando rematou a función foron ver unha exposición de fotográfica  no Café Moderno do artista Xosé Abad  "Nais e fillas. Dúas xeracións, un obxectivo".

Mentres o alumnado de infantil estaba en Pontevedra, no colexio, o alumnado que quedou tivo a primeira sesión de apadriñamento lector da actividade "Libros ao Patio".

Este ano, como estaba a chover, houbo que facela por dentro do edificio do colexio.

Nesta actividade participa todo o alumnado. 

Os voluntarios e voluntarias da biblioteca foron recoller aos máis pequenos e escolleron cadanseu recuncho para ler e contarse as súas historias preferidas. 
Foron  os responsables de recoller e de axudar a deixar os libros nos andeis en orden ao rematar a actividade.

Había nenos e nenas lendo  por todas as aulas e corredores. 

A biblioteca tamén tivo unha chea de lectores.
Mañá teremos outra sesión de "Libros ao Patio" na que participarán tamén o alumnado de infantil.

OOOLA!!

ONTE FOI UN DÍA CHEIÑO DE ACTIVIDADES.

POR UNHA BANDA, UN GRUPO DE VOLUNTARIAS FOI Á ESCOLA INFANTIL A GALIÑA AZUL DE SOUTOMAIOR E AO CENTRO DE DÍA BOAS APERTAS, OS DOUS EN ARCADE.

POR OUTRA, AS NENAS E NENOS DA CLASE DE 3º DE PRIMARIA QUE PARTICIPARON NO CONCURSO ESCOLAR “SUPERLÍDERES” EN SANTIAGO.

REPARTÍRONSE POR TODAS AS OUTRAS AULAS PARA COMPARTIR E EXPLICAR AS SÚAS EXPERIENCIAS.

NON PODÍAN PASAR AO RETO SEGUINTE SEN RESOLVER O ANTERIOR.

EXPLICARON CALES FORAN OS QUE LLES PLANTEXARON E QUE CAMIÑO TOMARAN PARA RESOLVELOS MÁIS O QUE LLES ACONTECEU DURANTE O CONCURSO EN SANTIAGO.

AMOSARONLLES O SEU TRABALLO PREVIO NA AULA, COMO SE REPARTIRON OS PAPEIS NOS EQUIPOS COLABORATIVOS E COMO CHEGARON AO RESULTADO FINAL.

"XA VOS CONTARA QUE TIÑAMOS SUPERLÍDERES NO COLEXIO".

ATA LOGUIÑO!

Boas Apertas. Galiña Azul

Hoxe tivemos unha saída especial e esperada.

Dende hai catro anos, un grupo de voluntari@s da biblioteca do colexio achégase ata o Centro de Día Boas Apertas e á Escola Infantil de Soutomaior en Arcade, para compartir un pouco do seu tempo tanto cos maiores como cos máis cativos da nosa contorna realizando con el@s algunha actividade.

Foron recibidos con moito agarimo nos dous centros.

Representaron con monicreques "La familia cochinete cambia de casa" e "El buhíto y sus amigos"(feita por elas).

Logo da dramatización, amosáronlles os bonecos aos cativos e contestaron as cuestións que lles plantexaron os maiores.

Tanto no Centro Boas Apertas como na Escola Infantil Soutomaior, fixeron unha manualidade coa que agasallaron asVoluntarias. 

Quedaron moi ledas e agradecidas polo detalle que tiveron con elas.

Dende a Biblioteca queremos agradecerlle tanto ao personal da  Escola Infantil Soutomaior como ao do Centro de Día Boas Apertas por facer posible esta marabillosa e enriquecedora colaboración.

Esperamos con agarimo que veñan ao noso colexio a facer algunha actividade con nós.

Recomendacións de lectura 2º trimestre

OOOLA!!! 

   NADA MÁIS QUEDA UN DÍA  PARA AS VACACIÓNS!!
APROVEITADE BEN O TEMPO.

DÉIXOVOS ESTA GUÍA PARA LER, ESCOITAR E XOGAR NESES MOMENTOS ESPECIAIS QUE  TEREDES AO LONGO DESTA SEMANA EN FAMILIA.

ESPERO QUE VOS GUSTEN.
ATA LOGUIÑO!!

A VOZ DO VERDUGO nº9

Xa temos un número máis do noso Boletín Escolar.

O contido dos artigos deste boletín xira arredor do  Camiño Portugués.
Ao longo do curso estase a traballar arredor do Camiño de Santiago, pero máis polo miúdo o Camiño Portugués, que é o que pasa pola nosa parroquia.

Este número plantexouse como un percorrido polos enclaves máis importantes polos que pasan os peregrinos e as peregrinas dende Tui ata o Milladoiro, que é a última parada antes de chegar a Santiago de Compostela.

Noraboa polo traballo.

Superlíderes

Hoxe dúas alumnas da clase de 3º de primaria, Andrea e Aroa gañaron dous dos seis premios aos que optaban na final do programa Superlíderes 2018-2019. 

Andrea recibiu o premio na categoría de Supermotivadora e Aroa na de Superdirectora.

A CLASE DE TERCEIRO NA BIBLIOTECA CON PINCO

Na aula de terceiro levan traballando todo o curso estas habilidades e todos e todas son e síntense gañadoras por ter realizado e participado desta experiencia tan motivante.

O CEIP de Ponte Sampaio foi un dos colexios seleccionados no programa Superlíderes desenvolvido dentro do Plan Eduemprende.

Este programa, dirixido ao alumnado de 3º e 4º de Educación Primaria, busca fomentar, motivar e sensibilizalos no espírito emprendedor.

O obxectivo de este programa é dar a coñecer ao alumnado, practicar e fortalecer seis competencias que os converterán en auténticos Superlíderes: a motivación, o enxeño, a comunicación, a fascinación, a negociación e a capacidade de traballar e dirixir equipos.

Noraboa polo traballo ben feito!

SOMOS NOTICIA: Preme nos enlaces

 Pontevedraviva

Notas de prensa da Xunta

Saímos na TVG