Retomando actividades

A Policía Nacional de Pontevedra retomou este curso a actividade do

Plan Director para a convivencia e a mellora da seguridade nos centros educativos e a súa contorna  nos colexios do Concello.

Somos o primeiro colexio de Pontevedra no que comeza a formación este curso.

Onte estiveron con nós tres policías nacionais  na aula de 5º de educación primaria para realizar esta actividade co alumnado.

Incidiron, sobre todo, o que leva consigo caer nas Tecno-Adicións e os perigos da navegación pola internet sen ter en conta algunha precaución e as consecuencias de non telas en conta.

Presentación na aula

Comezo da formación.

As alumnas e os alumnos desta clase atenderon con interese e fixeron gran variedade de preguntas sobre algunha dúbida que tiñan.

 Máis adiante será o alumnado de 6º curso de Primaria o que participará ao longo de varias sesións para acadar o carné de Ciberexpert@s.

Recomendacións Lectoras para o Verán

OOOLA!!  

XA ESTÁN NA COLA DE IMPRESIÓN AS SUXESTIÓNS LECTORAS QUE VOS PROCUREI PARA ESTE VERÁN, O MARTES LEVÁDELAS PARA CASA.

LEMBRADE QUE LER É BO EN CALQUERA MOMENTO,

 E NON GASTA ELECTRICIDADE, QUE VAI MOI CARA.

COMA SEMPRE TEDES VARIEDADE DE ESTILOS, 

TEDES ONDE ESCOLLER. 

PODEDES ELIXIR  OS QUE MÁIS VOS PRESTEN.

"LEMBRA"

SEGUE AS RECOMENDACIÓNS SANITARIAS

FORA VIRUS!!

Xela Arias

Este ano 2021 o Día das Letras Galegas adícase a  a escritora de Sarria Xela Arias.

Celebramos no día 17 de maio que temos unha lingua e literatura propia e o orgullosas que estamos dela.

En todas as aulas pescudaron información sobre a figura de Xela Arias.

Unha vez recollida, deseñaron un pequeno texto en banda deseñada para compartir con toda a Comunidade Educativa un díptico conmemorativo desta autora.

Elaboraron retratos, carteis, marcadores e sobre todo coñeceron máis a Xela Arias e a pegada que deixou para sempre na nosa lingua.

 

No corredor da entrada montamos unha pequena exposición na que expuñamos parte das obras de Xela Arias do noso catálogo e o mural que elaboraron entre o alumnado de infantil e o grupo de Voluntari@s.

A ANPA do colexio convoca un concurso de relatos para o alumnado de primaria e de debuxos para o de infantil.

A data para recibir os relatos é o propio 17 de maio. Animádevos!! 

Para os/as rapaces/as de infantil : Modo debuxo, terá un tema libre e deberá facerse nunha cartolina tamaño A-4. 

Para os/as rapaces/as de Primaria: Modo narrativo, as obras deben estar en lingua galega, a temática será libre e as obras non poderán ocupar máis de 2 carillas.

 PRAZO DE PRESENTACIÓN:  

Ata o luns 17 de Maio. 

Mandade os debuxos ou os relatos o email da ANPA: anpavirxendocarme@gmail.com 

Deixámosvos varios enlaces para saber máis de Xela Arias e que poidades xogar online a moitos dos xogos que  fixestes na aula ao longo desta semana das letras:

http://primaveradasletras.gal/

https://view.genial.ly/607ffcdc0cd6d30d0ea74b3b/interactive-content-xela-arias-letras-galegas

https://view.genial.ly/608ad478d9041d0d94f9348d/interactive-content-xogo-de-preguntas-sobre-xela-arias

Mensaxe de Orbil

uyfutyrfutfut

Os Maios

OOOLA!!       

MIRADE QUE MAIO TAN VISTOSO E COLORIDO FIXEMOS ENTRE TODOS ONTE Á MAÑÁN!

A NOTA QUE FIXESTES ENTENDÉSTELA BEN, QUE TIÑAMOS PAMPULLOS, MARGARIDAS, CALAS, FIUNCHOS, OVOS, LARANXAS,...

VAMOS, O PRECISO PARA MONTAR UN GRAN MAIO.

 POR SORTE, O TEMPO ACOMPAÑOU E PUIDEMOS TRABALLAR AO SOLETE.

¡COMO ARRECENDÍA O XIMNASIO A FIUNCHO!

TRABALLO COOPERATIVO  EN GRUPIÑOS, OS MAIORES EN GRUPOS NO XIMNASIO CO FIUNCHO MAILAS CALAS PREPARANDO A BASE DO MAIO E A RAPAZADA MIÚDA FIANDO GRILANDAS DE PAMPULLOS E MARGARIDAS CO ARAME NO PATIO DE ENTRADA. 

GUSTOUME MOITO QUE TRABALLARADES EN EQUIPOS COLABORATIVOS.

CANTAMOS NO PATIO AS COPLAS DO MAIO QUE ARGALLARON EN SEXTO DE PRIMARIA.

ESTAMOS NO MES DE MAIO

CHAMADO O MES DAS FLORES

CANTAN ALTO OS PAXARIÑOS

VAN BUSCANDO OS SEUS AMORES

 

CON MAIO E A PRIMAVERA

 O BO TEMPO XA CHEGOU

 UNS NA EIRA TRABALLANDO

 EU AQUÍ CANTANDO ESTOU

 

CANTAN TODOS NESTA VILA

 XUNTOS OU NALGÚN RECUNCHO

 PRA PODER FACER O MAIO

 PRECISAMOS UNS FIUNCHOS

 

MAIO NON TE QUEDES PAMPO

 QUE O INVERNO REMATOU

NESTES MOMENTOS TAN MALOS

TRAENOS MOITA ILUSIÓN

 

É UN MOMENTO ESPECIAL

CHEIRA A FELICIDADE

PASARÉMOLO MOI BEN

 NON IMPORTA A TÚA IDADE

 

XA NON COMEREMOS CALDO

NIN COCIDO BEN QUENTIÑO

AÍ VEÑEN AS ENSALADAS

 NON LLE BOTES MOITO ALIÑO

                                                                                                                                                                                                                                                                                                                                                     

DENTRO DESTE NOSO MAIO

CANTA UNHA MELODÍA

 CANDO AS FLORES SE LEVANTAN

HAI AMOR E PAZ NA VILA

A COPLA MÁIS REPETIDA… NON ESTABA ESCRITA, MAIS PRONTO TODO O MUNDO COMEZOU A  CANTALA.

Ó REMATE DA XORNADA TODOS OS GRUPOS QUIXERON UN RECORDO CO SEU MAIO.

MAÑÁN XESTAS FLORIDAS NOS COCHES!