Biblio Pinco

venres, 24 de xaneiro de 2025

XI CERTAME RELATO CURTO FAMPA

OOOOLA!!

XA ESTAMOS NA HISTORIA,

APRENDEMOS A ESCRIBIR, DAQUELA...

IDE PREPARANDO OS VOSOS RELATOS, NOS VOS VAIA A QUEDAR CURTO O TEMPO.

A DATA DE ENTREGA DOS RELATOS É DO

8 DE XANEIRO AO 31 DE MARZO.

PARTICIPADES NA CATEGORÍA DE PRIMARIA.

HAI TAMÉN UNHA CATEGORÍA PARA ADULTOS NA QUE PODEN PARTICIPAR PROFES E FAMILIAS.

ANIMÁDEVOS, QUE AÍNDA TENDES TEMPO.

NA BIBLIOTECA TEMOS OS LIBROS QUE SE EDITAN COS RELATOS FINALISTAS NAS DISTINTAS EDICIÓNS DESTE CERTAME.

LEMBRADE QUE OS RELATOS TEÑEN QUE:

SER ESCRITOS EN GALEGO,

ORIXINAIS,

INÉDITOS

(QUE NON SE PUBLICARAN ANTES),

E QUE NON FORAN PREMIADOS NOUTROS CERTAMES.

SON RELATOS CURTOS,

TEÑEN QUE TER ENTRE 200 E 300 PALABRAS.

UN RELATO CURTO narra unha historia ficticia
nun pequeno espazo de tempo, con poucos personaxes,
con descricións breves e escasas divagacións.
Mostra o que ocorre e ensina a historia a través
dunha acción estruturada, deixando que o lector
deduza parte dos feitos e que se atope
cun final inesperado.

POR SE QUEREDES MÁIS INFORMACIÓN, DÉIXOVOS ESTE ENLACE.

http://certame.nontedurmas.org/

SAÚDOS!!

sábado, 14 de decembro de 2024

Nadal lector

OOOOLA!!

XA CHEGARON AS RECOMENDACIÓNS LECTORAS DESTE TRIMESTRE.

ÍDEAS LEVAR CO BOLETÍN, MAIS COMO XA SEI QUE ALGÚN AS DEIXA ATRÁS QUÉDAVOS NO BLOG UNHA COPIA PARA PODER OLLALAS EN CALQUERA SITIO.

LOGO DE PREPARAR O COLEXIO COMO CÓMPRE CADA NADAL

QUEREMOS COMPARTIR CON VÓS COMO QUEDARON AS PORTAS,

OS CORREDORES E AS ESCALEIRAS CUN TOQUECIÑO DAS PEGADAS DA HISTORIA.

E POR ÚLTIMO, QUE NON PEOR,

DÉIXOVOS O ENLACE DA FELICITACIÓN DE NADAL DO COLEXIO

QUE GRAVAMOS COS NOSOS MELLORES DESEXOS

PARA TODA A COMUNIDADE EDUCATIVA:

BO NADAL!

venres, 29 de novembro de 2024

25-N

"Da prehistoria ao presente

a violencia de xénero

non ten lugar en ningún tempo"

Este foi o lema escollido para elaborar o cartel rexeitando a violencia de xénero este curso.

Todo o alumnado, en especial o de Infantil que deixou as súas pegadas, participou na elaboración.

Ao longo desta semana fixéronse diferentes accións para a concienciar ao alumnado.

O luns o alumnado do 2º e 3º ciclo de Primaria participou nun obradoiro da Cruz Vermella no que se abordaron mitos, desigualdades e estereotipos entre homes e mulleres.

Tamén destacar que ao longo da semana na hora de lectura o alumnado de 6º, que previamente estivo elaborando diferentes traballos sobre o 25N, foi expoñelos nas aulas de infantil e primaria. Aquí tedes podedes ver o ben que o fixeron.

xoves, 24 de outubro de 2024

Día das Bibliotecas Escolares

OOOOLA!!

COMO XA SEI QUE REPASASTES COS TITORES E TITORAS AS PARTES DUN LIBRO, QUE É O QUE NOS INDICAN AS ETIQUETAS QUE LEVAN NO LOMBO E QUE LEMBRASTES AS NORMAS DA BIBLIOTECA...

APROVEITEI ESTE FEITO PARA MANDARVOS OUTROS RETOS MÁIS, DISTINTOS PARA CADA AULA, PARA QUE POIDÉRADES COMPROBAR O QUE TIÑADES APRENDIDO.

TAMÉN PARA QUE DE PASO BOTÁRADELLES UNHA OLLADA AOS NOVOS FONDOS RELACIONADOS CO PROXECTO NO QUE ESTAMOS TRABALLANDO ESTE CURSO.

HOXE, NO DÍA DAS BIBLIOTECAS ESCOLARES, FOI O DÍA DO COMEZO DUNHA VIAXE MOI ESPERADA CADA CURSO POR ESTAS DATAS.

COMEZARON NESTE DÍA A RULAR POLAS CASAS DAS FAMILIAS AS MALETAS VIAXEIRAS CHEAS DE CONTOS, XOGOS, INFORMACIÓN, PELÍCULAS,...

AS VOLUNTARIAS DA BIBLIOTECA ENCARGÁRONSE DE REPARTILAS POR TODAS AS AULAS DE PRIMARIA.

AO REMATAR O RECREO, NA HORA DE LER, XUNTOUSE TODA A RAPAZADA DE INFANTIL, NO PATIO CUBERTO PARA GOZAR DA DRAMATIZACIÓN DO CONTO “CORRE, CORRE CABACIÑA” ,de Eva Mejuto, QUE MONTARON VARIAS VOLUNTARIAS VETERANAS DA BIBLIOTECA.