O MAIO 23-24

      OOOOLA!! 

MENUDO TRABALLO PASASTES HOXE!!

FOI UNHA MÁGOA TER QUE  FACELO DENTRO POLA CHUVIA.

TODO O COLEXIO SEMELLABA O OBRADOIRO DUNHA FLORISTERÍA OLÍMPICA.

XA QUE O NOSO PROXECTO ANUAL  XIRA ARREDOR DOS  XOGOS OLÍMPICOS

TIÑAMOS AS BANDEIRAS PREPARADAS DE ONTE NAS CLASES AGARDANDO PARA FORMAR PARTE DO MAIO

A TOTALIDADE DO ALUMNADO TRABALLOU COS CICLOS  MESTURADOS NAS AULAS DA PLANTA BAIXA.

🌼🌼NAS AULAS DE INFANTIL 🌼🌼

A RAPAZADA DA CLASE  3, 4 E 5 ANOS

 XUNTO COA DE TERCEIRO E CUARTO DE PRIMARIA CORTARON 

E ENFIARON PAMPULLOS.

O ALUMNADO DE 2º  E  1º DE PRIMARIA

 COLONIZOU O CORREDOR CON MÁIS GRILANDAS 

🌻🌻🌻🌻🌻🌻

 🌺🌺 E MAQUILLAXE FLORAL 🌺🌺

NA SALA DE USOS MÚLTIPLES  O ALUMNADO DE 

5º E 6º CURSO  ENCARGOUSE DE ENFIAR  O FIUNCHO

E MONTALO  ARREDOR DO  ARMAZÓN DO MAIO

 COROADO POLO FACHO OLÍMPICO.

MAIS PAGOU A PENA LOGO DE TANTO ESFORZO O RESULTADO AQUÍ O TENDES:

AGORA TOCA LEVALO Á PISTA 

E COMO NON PODÍA SER DOUTRA MANEIRA REMATAMOS A FESTA CANTANDO AS COPLAS DESTE CURSO ADICADO AO OLIMPISMO.

 AQUÍ ABAIXO TEDES OS VÍDEOS DAS RAPAZAS E RAPACES DE 6º CURSO CANTANDO O MAIO: 

QUIXERON RETRATARSE DIANTE DO MAGNÍFICO MAIO QUE NOS QUEDOU.

A CLASE DE 3 ANOS

A  CLASE  de  1º CURSO

A CLASE de 2º CURSO

A  CLASE de 4º CURSO

A CLASE de 5º CURSO

A  CLASE de 6º CURSO

POR SE NON SE ENTENDE BEN  NO VÍDEO DÉIXOVOS TAMÉN A LETRA QUE ESCRIBIRON :

HOXE AQUÍ EN PONTE SAMPAIO

IMOS TODOS CELEBRAR

QUE COMEZA O MES DE MAIO

VEN CONNOSCO A CANTAR

XA CHEGOU A PRIMAVERA

VEU CHEÍÑA DE EMOCIÓN

PREPARADE OS VOSOS POSTOS

RUMBO Á COMPETICIÓN

ESTE ANO NO COLEXIO

DEPORTISTAS IMOS SER

TEMOS UN DON NATURAL

XA O SABEMOS NÓS TAMÉN

CADA DÍA ENTRENAMOS

BAIXO A CHUVIA OU BAIXO O SOL

E CON MOITA DISCIPLINA

LOGRAREMOS O MELLOR

FÚTBOL, TENIS, BALONCESTO

ATLETISMO OU XADREZ

DESDE FRANCIA NOS DIRÁN

OH LA LÀ, VAIA NIVEL!

MENTRES OS CAMPOS FLORECEN

NOSO FACHO PRENDERÁ

SUBIREMOS Ó MÁIS ALTO

E NO PODIO NOS VERÁN

SEXAN OURO, PRATA OU BRONCE

AS MEDALLAS IMOS TER

PORQUE MOITO TRABALLAMOS

PRA SACAR O CURSO BEN

REMATAMOS ESTA FESTA

XA NOS TEMOS QUE MARCHAR

ESPERAMOS QUE VOS GUSTE

GRAZAS POR PARTICIPAR

DEICA   LOGO!!

Pincomanda Especial Maio

     OOOOLA!!  

PINCOMANDA ESPECIAL!!

IMOS MONTAR O MAIO DO COLE 

XA LEVASTES A NOTA PARA IR APAÑAR COA FAMILIA FIUNCHOS, PAMPULLOS, CALAS E OUTRAS FRORES PARA TRAER O LUNS AO COLEXIO PARA FACER O NOSO MAIO ESCOLAR.

TRAEDE O MARTES, SE QUEREDES, UN TOQUECIÑO FLORAL NA CABEZA, NUNHA CAMISETA, NO PANTALÓN, ONDE VOS PIDA O CORPO...

DEICA   LOGO!!

A MAXIA DO DEPORTE

      OOOOLA!! 

ESTE ANO 2024  O  SALÓN DO LIBRO 

DE PONTEVEDRA

FAI AS SÚAS VODAS DE PRATA:

 LEVAN 25 ANOS CELEBRÁNDOSE!!

ESTE ANO TAN ESPECIAL, ADÍCASE

  A   MAXIA   

COMO ESTAMOS  A VOLTAS COAS OLIMPIADAS E O DEPORTE

ELABORAMOS ESTE TRABALLO ENTRE TODO O ALUMNADO DO COLEXIO.

NÓTASE  QUE TRABALLASTES ARREO PARA CONSEGUIR ESTE CADERNO. 

PODEREDES VELO CANDO VAIADES ÁS ACTIVIDADES AO SALÓN DO LIBRO EN PONTEVEDRA TANTAS VECES COMO QUEIRADES.

                        DEICA   LOGO!!

Día de Rosalía 2024

 

Dentro do Calendario do Libro e da Lectura, coincidindo coa data do seu nacemento no ano 1837, o 23 de febreiro celébrase o 

  Día de Rosalía de Castro  

Sabemos que os pensamentos eran as frores que máis lle gostaban a Rosalía.

 Adicámoslle no colexio este curso aos PENSAMENTOS cos diferentes significados da palabra e conseguimos 

"Un xardín para Rosalía" 

Prantamos nas xardiñeiras da entrada cada clase unhas  prantas cun "pensamento" en cada unha.

  Cada curso decorou con diferentes técnicas plásticas unha cartulina cun pensamento e escribiu un dos seus poemas.

Na hora de ler, xuntámonos na sala de usos múltiples todo o colexio e limos os versos plasmados en cada Pensamento decorado.

ESPERANDO PARA RECITAR 

A ESTREA DE 4º DE INFANTIL

SEGUNDO CURSO DE PRIMARIA

5º DE INFANTIL

5º DE PRIMARIA

PRIMEIRO CANTÁNDOLLE A ROSALÍA.

6º DE PRIMARIA

6º DE INFANTIL

4º de PRIMARIA

3º de PRIMARIA

Todos os traballos quedaron a carón do mural que fixeran voluntari@s 

   

O corredor adicouse a ROSALÍA con  propostas variadas para facer coa rapazada ao longo da semana:

Marcapáxinas feitos polo alumnado de Infantil

Marcapáxinas, cálculo do valor dun billete de 500 pesetas en Euros, poemas con pictogramas para ler, visita a Casa-Museo de Rosalía co código QR, debuxos para colorear da súa faciana, ...

 

ORBIL NO COLE

OOOOLA!! 

 HOXE TIVEMOS UNHA MARABILLOSA SORPRESA NO COLE.

ORBIL ESTIVO DE VISITA NA NOSA BIBLIOTECA

ENTROU PASENIÑO, SEN QUE VOS DERADES CONTA,

PROCURANDO MANTER A SORPRESA.

 TODO O ALUMNADO FOI PASANDO POLA AULA DA BIBLIOTECA DO COLEXIO. 

MAR, MONITORA DO SALÓN, FOI RECIBINDO Á RAPAZADA.

COMEZARON AS TRES CLASES DE INFANTIL.

ORBIL FIXO A SÚA MAXIA E FOI "TRANSFORMANDO"

 AS PROFES MARINA E NAIARA.

DE SEGUIDO FORON PASANDO POR QUENDAS POLA BIBLIOTECA TODO O ALUMNADO DE PRIMARIA.

DÉIXOVOS UNHAS FOTOS PARA QUE VEXADES COMO FOI.

A CLASE DE PRIMEIRO PASÓUNO PIPA

E A PROFE TAMÉN

ALUMNADO DE 1º PRIMARIA CON ORBIL

COA CLASE DE SEGUNDO PASOU MÁIS DO MESMO

A CLASE DE TERCEIRO PASÓUNO BÁRBARO

SOAMENTE HAI QUE MIRAR AS SÚAS CARAS.

O ALUMNADO DO CUARTO TAMÉN TIÑA VARIÑAS MÁXICAS PARA FACER FEITIZOS.

O ALUMNADO DE 5º CURSO NON ÍA SER MENOS.

A VISITA REMATOU COA RAPAZADA DE SEXTO CURSO.

GRACIÑAS Á ORGANIZACIÓN DE  O SALÓN   POR TER ACHEGADO A ORBIL AO NOSO CENTRO.

VÉMONOS O 6 DE MARZO NO SALÓN.

DEICA   LOGO!!