O xogo non ten idade.

Logo da visita que nos fixeron no colexio os usuarios do centro Boas apertas,e de ver a ledicia dalgún deles, e o enriquecedor que foi para todos, xurdiu  a posibilidade de que os pequenos de infantil devolveran a visita ao seu centro.

Como tiñamos programada a saída á biblioteca en Arcade algo máis dunha semana máis tarde, entre ámbolos dous centros acordamos ir logo da visita á biblioteca e da merenda dos cativos e dos maiores.

Non houbo problema para sincronizarnos, xa que merendaron no parque de Talo Río e Boas apertas está diante do parque.

Ao principio a cativada estaba algo cortada, pero pronto pasou e xogaron entre eles e aprenderon os seus nomes. 

Explicáronlles aos cativos que todos os días facían unhas rutinas de actividade física

para manter áxil o corpo e fixérono coma se dun xogo se tratara.

Fixéronse parellas ou tríos entre nenos e usuarios para xogar cos aros.

Esta actividade poderíamos repetila novamente xa que todo en ela foi positivo, a avaliación da mesma foron as propias caras de ledicia duns e outros.

Tanto os maiores como os pequenos, o persoal do centro e as mestras mailo gozaron do clima tan agarimoso que se acadou.

De volta ao colexio xogaron un ratiño no parque da Xunqueira, xa ao lado do colexio.

Agradecemos a colaboración necesaria do persoal do centro Boas apertas para o desenvolvemento desta marabillosa actividade.

Magosto

   OOOOLA!! 

  

MENOS MAL QUE CHEGOU O VERANIÑO DE SAN MARTIÑO E FIXO UN DÍA FANTÁSTICO CON SOL E  TEMPERATURA ESTUPENDA PARA GOZAR DAS ACTIVIDADES DO MAGOSTO NA COMPAÑA DAS FAMILIAS.

NO CUBERTO XOGAMOS COAS CHAPAS, ESCRIBIMOS O NOME DENTRO E  BOTAMOS UNHAS CARREIRAS

APRENDEMOS XOGAR ÁS BOLAS NO AREEIRO

APROVEITANDO A HERBA BEN CORTADIÑA, BOTAMOS UNHAS BOAS  CARREIRAS COS SACOS E UNHA RISAS

  TENTAMOS BAILAR O TROMPO, PROBAMOS VARIAS VECES SEGUINDO AS INSTRUCIÓNS QUE NOS DABAN E AS VECES CONSEGUIMOS QUE BAILARAN

 

XA LEVAMOS UNS CURSOS PROBANDO A RODAR OS AROS,

  NIN TAN MAL  

A NOVIDADE DESTE ANO FOI O DESCUBREMENTO DOS CARRIÑOS 

QUE TIVERON UNHA GRANDE ACOLLIDA POLA NOVIDADE E POLO DIVERTIDO QUE ERAN

  

COS ZANCOS DE CORDEIS ANDARON ATA A RAPAZADA MÁIS NOVA, COS DE MAN XA HABÍA QUE TER UN POUCO DE MAÑA E MOITO EQUILIBRIO

CONTINUAMOS COAS ROTACIÓNS INDO XOGAR COAS BILLARDAS

HOUBO MOITOS INTENTOS DE TIRAR AS BILLARDAS, MÁIS FALTA UN POUQUIÑO  DE PRÁTICA

 XOGAMOS TAMÉN A SALTAR Á CORDA E SALTAR A GOMA

CONTINUAMOS CON XOGOS POPULARES, TENTAMOS LEVAR UNHA CASTAÑA DE DIFERENTES FORMAS: CUNHA CULLER, ENFRONTADOS CO BANDULLO ENTRE DOUS, COA FRONTE,...

 E FINALIZAMOS A ROTACIÓN CO XOGO DAS CADEIRAS MUSICAIS 

QUE TRIUNFA EN TODAS PARTES E AS RISAS ESTÁN GARANTIZADAS

NON SEI SE ME DEIXO ALGÚN XOGO TRADICIONAL, PERO ESTOU EMOCIONADO POLO BEN QUE O PASAMOS.

AGRADECÉMOSLLE  A TODAS AS FAMILIAS QUE COMPARTIRON CON NÓS ESTA FABULOSA E TRADICIONAL XORNADA DE OUTONO. 

ÁS FAMILIAS QUE PUIDERON VIR,  XOGAR E APRENDERNOS TODOS ESTES XOGOS QUE NON DEBEMOS ESQUECER E ÁS QUE TAMÉN COLABORARON APORTANDO LEÑA E CASTAÑAS PICADAS PARA PODER PAPALAS LOGO ASADAS AO REMATE DOS XOGOS.

GRACIÑAS UN ANO MÁIS A  JOSE , O NOSO CASTAÑEIRO PARTICULAR.

 

   O PRÓXIMO ANO, MÁIS!!   

APERTAS!!

Magosto

OOOOLA!!

QUE MAÑÁN DE NOVEMBRO MÁIS LUCIDA TIVEMOS ONTE.

ESTE OUTONO CADROUNOS UN TEMPO FANTÁSTICO.

COAS CASTAÑAS E A LEÑA QUE TRUXERON DE CASA, JOSE PUIDO ASAR AS CASTAÑAS E KARL, O LECTOR DE INGLÉS QUE TEMOS ESTE CURSO, DESCUBRIU UNHA DAS NOSAS TRADICIÓNS DE OUTONO: O MAGOSTO

PASAMOS BOA PARTE DA MAÑÁ AO AIRE LIBRE ENTRE XOGOS E CASTAÑAS.

O ALUMNADO FOI ROTANDO POLOS XOGOS CO SEU GRUPO, GARDANDO AS DISTANCIAS E CON DESINFECCIÓN DE MANS NOS CAMBIOS DE XOGOS.

AS CARREIRAS DE SACOS  NON PODÍAN FALTAR

PERO O "CASTAÑAZO AO PROFE " FOI UN DOS XOGOS MÁIS ESPERADOS

ESPERAMOS PODER FACER O PRÓXIMO NOVEMBRO OS XOGOS TRADICIONAIS COAS FAMILIAS.

ANTES DE REPARTIR AS CASTAÑAS 

ENTREGAMOS OS AGASALLOS DO CONCURSO DE CABAZAS.

FINALMENTE MERENDAMOS AS CASTAÑAS QUE ENCHÍAN OS CUCURUCHOS QUE FIXEMOS.  

QUE BOAS E QUENTIÑAS ESTABAN!!

ABURIÑO!!

¡OLLO! COAS DISTANCIAS

Último día de confinamento total

OOOLA!!

XA QUEDA MENOS

PARA QUE POIDADES SAÍR

A DAR UNHA VOLTIÑA.

    LEMBRADE QUE OS PARQUES DE XOGO ESTÁN PECHADOS. 

NON TOQUEDES NADA.  

SE VEDES A ALGÚN OU ALGUNHA AMIGUIÑA

CALMA!!!

HAI QUE GARDAR A DISTANCIA.

PODEDES FALAR.

PODEDES DAR CHIMPOS DE LEDICIA.

DEIXAMOS PARA MÁIS ADIANTE

AS APERTAS E OS BEIXIÑOS.

CANTO MELLOR RESPECTEMOS A DISTANCIA ENTRE NÓS

 POR MOITAS GAÑAS QUE TEÑAMOS...

 “ANTES VOLTAREMOS A VERNOS”.

XA ME CONTAREDES AS VOSAS SENSACIÓNS

NESTA  SITUACIÓN NOVA PARA TODO O MUNDO.

NON ESQUEZADES QUE

CANTO MELLOR VOS PORTEDES NAS SAÍDAS,

 MÁIS CEDO PODEREMOS VERNOS DE NOVO.

ÁNIMO FAMILIAS!

XA QUEDA UN DÍA MENOS

Sábado 28

OOOLA!!  

HOXE LEVO XOGANDO CASE TODA A MAÑÁ. ESTOUNO PASANDO PIPA COA COLECCIÓN DE XOGOS QUE TEÑO NA BIBLIOTECA.

SABEDES QUE? GAÑEI UNHA VECES E OUTRAS NON, PERO O IMPORTANTE É  QUE ESTOU  A PASALO EN GRANDE XOGANDO.

VOUVOS FALAR DUN DOS XOGOS COS QUE MELLOR O PASEI:

O MIKADO

 OS PALILLOS CHINOS.

                                        

CHINA APORTOUNOS MOITAS E MOI BOAS COUSAS, NON SO O VIRUS ESTE, TAMÉN ESTE XOGO TRADICIONAL.

ASÍ QUE DIRIXINME Á LIBRARÍA ONDE ESTÁN OS XOGOS, ONDE? 

O EQUIPO DE VOLUNTARI@S DA BIBLIOTECA VOLO DIRÍAN NUN PERIQUETE, BUSCAMOS O AUTOBÚS ROSA E NO  7.9.  XOGOS, ESPETÁCULOS, DIVERSIÓN   E ALÍ ESTABA.

ESTE XOGO EXIGE  UNHA  GRAN  HABILIDADE MOTRIZ PORQUE HAI QUE TER UN PULSO FIRME, CONCENTRACIÓN E MOITA  PACIENCIA PARA COLLER O MÁXIMO NÚMERO DE PAUCIÑOS DUN MONTÓN, SEN QUE SE MOVAN OS DEMÁIS. 

ORIXINARIAMENTE,  AS  VARILLAS  ERAN  DE  MARFIL.  HOXE  EN  DÍA  SON DE MADEIRA OU DE PLÁSTICO. 

PODE XOGAR UN CONTRA SI MESMO, OU VARIOS ACORDANDO AS REGRAS ANTES PARA QUE NON HAXA MALENTENDIDOS.

XÓGASE CON PALILLOS DE DISTINTOS CORES E UN DE COR NEGRA.

SEGUNDO A COR DOS PALILLOS TEÑEN PUNTUACIÓN DIFERENTE.

HAI QUE POÑERSE EN CÍRCULO PARA XOGAR E TIRAR OS PALILLOS NO MEDIO.

O OBXECTIVO É COLLER O PALILLO NEGRO SEN QUE SE MOVA NINGÚN DOS OUTROS, MAIS PODEDES ACORDAR PARTIDAS NAS QUE GAÑE QUEN MÁIS COLLA DUNHA TACADA OU NUNHA RONDA, TANTO TEN.

HAI QUE XOGAR SEN FACER TRAMPAS.

PODEDES XOGAR TODA A FAMILIA A VER QUEN TEN MELLOR PULSO PACIENCIA E CONCENTRACIÓN.

CANDO SE MOVA ALGÚN, “QUE PASA SEGUIDO”, CAMBIA O TURNO.

QUEN COMEZA?

 BOTÁMOLO A SORTES:

“UN GATO CAEU NUN POZO,

AS TRIPAS FIXERON GUÁ.

ARREMOTO, PITIPOTO

ARREMOTO, PITIPÁ

TÓ CA CHE   CO ME ZAR”

QUE NON TEDES O XOGO NA CASA, NON IMPORTA, IMPROVISAMOS RÁPIDAMENTE:

CON TALLARÍNS, A MODIÑO QUE PODEN ROMPER AO DEIXALOS CAER, FACÉMOLO COMO SE FORAMOS COCELOS E SUAVEMENTE ESPALLÁMOLOS SOBRE UNHA SUPERFICIE LISA. UNHA MESA OU MELLOR NO CHAN, PARA QUE NON “SE MOVAN”.

CON ROTULADORES TAMÉN PODEMOS XOGAR.

COS PALILLOS DE BROCHETAS.

              QUEN DIXO MEDO?

A  XOGAAAR!

 ÁNIMO FAMILIAS !

TODO  VAI  A  IR  BEN!!