O xogo non ten idade.

Logo da visita que nos fixeron no colexio os usuarios do centro Boas apertas,e de ver a ledicia dalgún deles, e o enriquecedor que foi para todos, xurdiu  a posibilidade de que os pequenos de infantil devolveran a visita ao seu centro.

Como tiñamos programada a saída á biblioteca en Arcade algo máis dunha semana máis tarde, entre ámbolos dous centros acordamos ir logo da visita á biblioteca e da merenda dos cativos e dos maiores.

Non houbo problema para sincronizarnos, xa que merendaron no parque de Talo Río e Boas apertas está diante do parque.

Ao principio a cativada estaba algo cortada, pero pronto pasou e xogaron entre eles e aprenderon os seus nomes. 

Explicáronlles aos cativos que todos os días facían unhas rutinas de actividade física

para manter áxil o corpo e fixérono coma se dun xogo se tratara.

Fixéronse parellas ou tríos entre nenos e usuarios para xogar cos aros.

Esta actividade poderíamos repetila novamente xa que todo en ela foi positivo, a avaliación da mesma foron as propias caras de ledicia duns e outros.

Tanto os maiores como os pequenos, o persoal do centro e as mestras mailo gozaron do clima tan agarimoso que se acadou.

De volta ao colexio xogaron un ratiño no parque da Xunqueira, xa ao lado do colexio.

Agradecemos a colaboración necesaria do persoal do centro Boas apertas para o desenvolvemento desta marabillosa actividade.

Os maiores volven ao cole.

Este curso contamos coa colaboración do Centro de Día Boas apertas . 

O venres as voluntarias foron a Arcade e hoxe viñeron algúns dos usuarios do centro de día ao noso colexio.

Tiñamos varias actividades preparadas para realizar con eles e repartimos o tempo par poder desenvolver máis dunha tarefa á vez.

 Xogando a un memory entre elas 

Contabamos que ían vir entre 5 e 7 e ao final viñeron cinco usuarios a compartir o seu tempo con nós.

Xogaron con retos do LEGO 

explicaronlles como xogar co robot Doc para que fora polo taboleiro. 

             

e experiencias co alumnado do 3º ciclo de Primaria e o de 5º de Infantil.

Os maiores programaron os robots con scratch

segundo lles foron pedindo os maiores, amosaronlle algunhas actividades que podían facer os robots.

debuxaron no papel,

e ao finalizar a tarefa pediron un rock&roll

Na radio fixeronlles unha entrevista a tres dos usuarios que viñeron.

Comentaron anécdotas da súa nenez e contestaron a cuestións que prepararan na aula para a entrevista.

O bisavó dunha voluntaria resultou ser un músico amigo dun deles. 

Como estaban investigando sobre os  Castelos, os pequenos ensinaronlles como o robot Doc  se movía segundo o que lle mandaban por  un taboleiro 

que tiñan na clase con vocabulario sobre a vida e costumes da Idade Media.

Foi unha xornada moi edificante para todos.

PAZ

SOLIDARIEDADE COS COLEXIOS DA DANA

ELABORAMOS ENTRE TODO O COLEXIO UN MURAL

 OS NENOS AFECTADOS POLA DANA SON UNHA REALIDADE COA QUE PODEN EMPATIZAR MELLOR.

ACORDAMOS FACER UNHA ANDAINA  ALUMNOS, MESTRES, FAMILIAS  XUNTO COA EEI DE ROMARIZ.

NO NOSO CENTRO SUMÁMONOS A INICIATIVA DE SAVE THE CHILDREN “KILÓMETROS DE SOLIDARIDAD”.

COMEZAMOS A ANDAINA NO NOSO COLEXIO  E

 ACABAMOS NO PORTO DE ARCADE 

O ALUMNADO DE INFANTIL DOS DOUS CENTROS

ONDE LIMOS UN MANIFESTO POLA PAZ.

O OBXECTIVO DESTA CONVOCATORIA ERA A DE INTENTAR DESENVOLVER UN PENSAMENTO CRÍTICO E EMPÁTICO CON OUTROS RAPACES DE REALIDADES DIFERENTES.

Saúdos aos maiores

OOOLA!!

Esta mensaxe é para lembrarvos que as aportacións que mandastes para enviarlles unha mensaxe de Ánimo e darlles unha Boa Aperta aos nosos amigos e as nosas amigas maiores do Centro de Día Boas Apertas de Arcade.

Levamos colaborando moitos anos, vivindo unha experiencia inesquecible, compartindo actividades tanto no seu centro coma no noso colexio.

Nestes momentos tan complicados para todos non podemos esquecernos de todos eles.

Esperabamos con ledicia a vosa visita e quedámonos coas gañas, pero soamente este curso, xa que para o ano quedamos seguro.

Este agasallo é para vós nestes días tan estraños.

Unha Boa Aperta confinada

ÁNIMO FAMILIAS!

XA QUEDA UN DÍA MENOS

2 de maio

OOOLA!!

Xa sei que onte choveu os sete choveres, que ir por flores era complicado, 

pero dentro do maio confinado, nos vale todo.

Como seguimos confinados, cunha pouquiña liberdade, se queredes podedes ir mandando os vosos maios cando vaia mellorando o tempo e poidades ou queirades facelos.

Todos os días deberían ser en contra contra o Bullying ou Acoso Escolar (ou de calquera tipo de violencia), contra todas as actitudes execrables... máis hoxe, 2 de maio, é o

Día Internacional contra o Bullying ou o Acoso Escolar.
Ollade estas curtas:

NON LLE FAGAS BULLYING A NINGUÉN!!!

NON SEXAS MONSTRO!!! 

NON SON UN XOGUETE!!!

SE VALIENTE COMO MARINA!!!

Estas curtas que vos traio non as escollín ao chou, 
hoxe é outro deses días nos que hai que facer visible, 

para toda persoa  que teña

   "Perdas de Memoria a Curto Prazo" como a de Dory" 

 o que temos que ter presente durante todo o tempo e 

durante todos os días do ano.

ÁNIMO FAMILIAS!

XA QUEDA UN DÍA MENOS

Conmemoración Dia da Paz

Este xoves houbo no centro co galo do DÍA DA PAZ E NON VIOLENCIA un acto conmemorativo.

O alumnado de todos os cursos amosou os cartaces que fixera nas distintas aulas. 

 Explicaron polo miúdo o que querían reflectir nas  súas creacións.

O enfoque da maioría dos traballos centrabase na realidade  cotiá  da violencia de xénero.

De seguido ían ao corredor para montar coas súas producións un gran  mural conmemorativo coma se foran fotogramas.

O alumnado de 6º de primaria declamóu unha escolma de poesías da paz de varios autores e autoras.

Logo de amosar todos os cartaces cantamos todos xuntos a canción ”Ou iso ou aquilo” de Sérgio Tannus.

Somos noticia: https://pontevedraviva.com/xeral/61028/alumnado-ponte-sampaio-toma-conciencia-educacion-paz-no-violencia/

Terapia Canina.

OOOLA! 

Onte tivemos un obradoiro moi especial.

Viñeron TRUFA, UMA, ECO, e GOOFY, coas súas "nais" dos catro cans da asociación YARACAN para impartir un obradoiro de Educación en valores sobre a terapia con animais.

Primeiramente foi a quenda de 3º e  4º de primaria.

Comezaron cunha breve charla onde lles explicaron aos nenos que tiñan que entrar e saír da sala en silencio, usando lingua de signos para comunicarse cos cans. 

Tiñan que deixalos moverse  libremente e non acariñalos nun primeiro momento.

Xa dentro do ximnasio, as monitoras de YARACAN presentaron aos cans,  as súas características e como é o labor que realizan.

 Realizaron catro actividades nas que traballaron os valores de Solidariedade, Seres únicos e marabillosos, Traballo en equipo e  Respecto. 

Na segunda quenda co alumnado de 5º e 6º os cans estaban un pouco cansos, aínda así realizaron as actividades previstas.

ATA LOGO!