25-N

 A comunidade educativa do CEIP de Ponte Sampaio rexeita a violencia de calquera tipo e este rexeitamento está todo o tempo presente en todas as nosas ensinanzas, actuacións e actividades.

Ao longo destes dias incidimos en profundidade no porqué do Dia Internacional contra a Violencia de Xénero que se celebrou onte, 25 de novembro.

Na aula de 5º de primaria pensaron como sería posible cambiar o conto:

Preme aquí para ver máis

Mural 1º primaria

Traballamos sen mesturarnos nas distintas aulas e por quendas baixamos ao ximnasio para montar o mural colectivo que quedou exposto no patio de entrada onte. 

Preme aquí para ver como se fixo

Día da MULLER

Hoxe conmemoramos o Dia da Muller no colexio.

Como estamos a traballar o proxecto anual “Ponte Sampaio é de Cine”, acordamos pescudar información sobre mulleres relacionadas co sétimo arte: actrices, directoras, animadoras audiovisuais, protagonistas, guionistas, deseñadoras, …

Logo de atopar a información sintetizárona e prepararon un guión en todas as clases.

Para a exposición dos traballos foron rotando por todas as clases explicando cada un a muller que escolleran contando por  que e o que sabían e aprenderan delas. Contestaron as preguntas que xurdiron.

Este traballo de lecturas compartidas, comezámolo na sesión de hora de ler e alongouse o tempo necesario para completar as rotacións.

Logo de rematar as exposicións orais, reunímonos na sala de usos múltiples para ver todo o colexio xunto o vídeo que gravaran na biblioteca "A igualdade e coeducación en Ponte Sampaio" e o LipDub gravado por todo o centro o xoves pasado “Fábrica de luz”.

Logo das exposicións orais, os traballos quedaron expostos no taboleiro de Coeducación e Igualdade, na entrada.