A FEIRA DA CIENCIA

     OOOOLA!! 

O 13 DE MAIO O ALUMNADO DE 6º DE PRIMARIA PARTICIPOU NA TERCEIRA EDICIÓN DE DIVULGACIENCIA EN ARCADE CO TRABALLO 

"ECOSISTEMA DOS MICROORGANISMOS MONETARIOS"

ASÍ DE ESTUPENDO QUEDOU O NOSO ESPAZO DE EXPOSICIÓN

FORON TURNÁNDOSE PARA TER ATENDIDO O ESPAZO E IR PASANDO POLOSOS DEMÁIS EXPERIMENTOS PRESENTADOS POLOS OUTROS CENTROS EDUCATIVOS DA CONTORNA.

Á TARDIÑA PASARON MOITA RAPAZADA DO COLEXIO E MOITAS FAMILIAS INTERESADAS POLA INVESTIGACIÓN FEITA.

A PROFE MANOLI ACOMPAÑÓUNOS AO LONGO DE TODO O DÍA

PASOU TAMÉN O XURADO, LOGO DE AVALIAR O RESTO DOS PROXECTOS 

E

ACADAMOS O MELLOR PREMIO DA NOSA CATEGORÍA EN PRIMARIA:

" PREMIO AO RIGOR CIENTÍFICO"   

PARABÉNS!!

     SAÍMOS NA PRENSA:       

https://pontevedraviva.com/xeral/104149/ciencia-alameda-talo-rio-soutomaior-2024/

DEICA   LOGO!!

Mensaxe de Orbil

uyfutyrfutfut

Efecto PO2

Rematamos a semana cunha actividade que forma parte do proxecto "Efecto PO2" co que o noso Concello quere concienciar a toda a xente e ao alumnado en particular sobre os efectos que o CO2  provoca no noso planeta, a reciclaxe e para previr o  Cambio Climático.

Lorena e Sandra, as monitoras que viñeron, comezaron explicando o proxecto e conversando coa rapazada sobre como crían que podería ser a súa cidade ideal. O que lles gustaría que tivera para mellorala ou que houbera nela.
Presentaron e leron o libro de Eva Mejuto "A miña cidade" que xa forma parte da nosa biblioteca.   
Levaron unhas teas xa pintadas cun debuxo de tubos de escape da mesma ilustradora deste libro, Susana Suniaga, e deseguido elixiriron o tema para decorar os panos.

Comezaron en primaria e continuaron na sala de usos múltiples co alumnado de infantil de 4 e 5 anos. 
As teas, cento por cento orgánicas, tiñan serigrafíados debuxos  deseñados por  ilustradora do libro e xa estaban preparadas para pintar o fume que saía dos tubos de escape dos panos. 


Como as aulas máis grandes son as de 3º e 5º de primaria, quedaron nas súas aulas xunto coa metade de clase de cuarto curso cada un. A cada clase foi unha monitora.  Tiveron que porse dacordo nos equipos para escoller o tema arredor do cal debuxar cadansúa tea. Fixeron obras de arte.

 O día 27 de novembro, vanse expoñer todos os traballos que se fixeron en todos os centros na Alameda, no paseo das Palmeiras. Lerase un manifesto feito coas ideas e aportacións dos nenos e das nenas dos colexios que participaron nesta xenial actividade. 

Ide ver as vosas creacións.

Día do Libro

Dentro das actividades programadas no Día do Libro, o alumnado de infantil tivo sesión dobre en Pontevedra.

Primeiro foron ao Auditorio de Afundación para ver o espetáculo   "Guyi-Guyi" de Periferia Teatro.

 

Cando rematou a función foron ver unha exposición de fotográfica  no Café Moderno do artista Xosé Abad  "Nais e fillas. Dúas xeracións, un obxectivo".

Mentres o alumnado de infantil estaba en Pontevedra, no colexio, o alumnado que quedou tivo a primeira sesión de apadriñamento lector da actividade "Libros ao Patio".

Este ano, como estaba a chover, houbo que facela por dentro do edificio do colexio.

Nesta actividade participa todo o alumnado. 

Os voluntarios e voluntarias da biblioteca foron recoller aos máis pequenos e escolleron cadanseu recuncho para ler e contarse as súas historias preferidas. 
Foron  os responsables de recoller e de axudar a deixar os libros nos andeis en orden ao rematar a actividade.

Había nenos e nenas lendo  por todas as aulas e corredores. 

A biblioteca tamén tivo unha chea de lectores.
Mañá teremos outra sesión de "Libros ao Patio" na que participarán tamén o alumnado de infantil.

Visita ao Salón do Libro Infantil

Xa nos tardaba a visita ao Salón do Libro Infantil e Xuvenil de Pontevedra deste curso.

Recibíunos ORBIL na entrada. Como xa fora polo colexio os máis pequenos estaban doentes por velo de novo e na súa casa.

Esta edición, 20 anos van xa, ten como eixe "A Revolución" e a Lusofonía. 

Antonio García Teijeiro, autor homenaxeado desta edición do Salón do Libro, visitou o noso colexio o curso pasado.

Repartímonos  por grupos coas monitoras para ir ás distintas actividades que nos tiñan preparadas.

O alumnado de infantil estivo coa escritora portuguesa Margarida Botelho contou varias historias comparando a vida de dúas rapazas nunha contorna de cidade e dunha aldea da Amazonia, de Mozambique e de Lisboa.

Logo visita polo salón facendo xogos, vendo os traballos presentados e aprendendo moitas cousas sobre inventos revolucionarios e unha pequena retrospectiva das anteriores edicións.

Os maiores de primaria fixeron unha visita máis polo miúdo.

É unha marabilla a creatividade que amosan as creacións presentadas e que dun tema común para todos haxa unha variedade tan grande de propostas.

 O noso traballo lucía ben vistoso na exposición.

Esperamos con gran emoción o tema da próxima edición do Salón do Libro Infantil e Xuvenil de Pontevedra.

VOLTAS E REVOLTAS POLO CAMIÑO

Comezamos ao comezo do curso a andaina do Camiño de Santiago.

Para participar na XX edición do Salón do libro de Pontevedra, adicada “A REVOLUCIÓN”.

Acordamos facer a nosa propia Revolución e o traballo que presentamos "xira" arredor do Camiño.

Xa está listo o traballo para o Salón do Libro.

Agora verémolo exposto na visita que faremos o próximo 29 de marzo á exposición en Pontevedra.

Saída micolóxica.

Outro curso máis contamos no tempo do outono coa colaboración da Asociación Micolóxica Brincabois de Pontevedra.

Logo de ter unha pequena charla co alumnado de 1º de primaria e 6º de infantil saímos pola contorna do colexio na procura de cogomelos.

 

Despois de tanta choiva, e co sol destes dous días, o tempo era bastante propicio para atopar moitos cogomelos.

   Paseniño, paseniño apañamos bastantes cogomelos.

Ao final axudamos a Jaime, de Brincabois, a colocar os cogomelos que quedaron expostos e clasificados coa súa etiqueta os exemplares que atopamos para que o resto do alumnado e as familias puideran compartir a colleita e o que aprendemos.

 Se queredes podedes atopalos na entrada do colexio. 

PONTENCIENCIA

Outro ano máis participamos na convocatoria do Concello de Pontenciencia.

O alumnado de sexto curso de primaria leva traballando e investigando en dous proxectos

Comezou hoxe á mañá a exposición de Pontenciencia en Pontevedra e xa defendimos os nosos proxectos.

Este ano participamos doce centros escolares, é complicado, pero non perdemos a esperanza de acadar algún premio.

Temos montado o noso stand ben chulo.

Este ano levamos dous proxectos de investigación:

As cometas que fixemos con paraugas de refugallo dándolle unha segunda vida  e 

a Expedición dos irmáns Nodal.

Fixemos unha montaxe da expedición dos irmáns Nodal e pódese ver e escoitar nas tablets da biblioteca que levamos á exposición. 

Está gustando moito.

Podedes ver o que están mirando estes nenos neste enlace: 

Expedición Nodal

Fomos noticia, saímos no periódico dixital Pontevedraviva . 

Ahí tedes os  enlaces.

http://pontevedraviva.com/xeral/39969/10-escolares-ponte-sampaio-investigan-viaxe-irmans-nodal-magallanes-le-maire/

http://pontevedraviva.com/xeral/46341/qinta-edicion-ponteenciencia-feria-miniciencia-pontevedra-ciencia-mola/

http://pontevedraviva.com/xeral/43273/doce-centros-educativos-llevaran-investigacion-campus-pontenciencia-2018/?lang=es

VISITA BIBLIOTECA MEDAL

Hoxe os alumnos de primeiro e segundo saíron  coñecer un pouco máis a contorna.

Comezaron cun paseo por un tramo do camiño de Santiago, que pasa pola Ponte.

Acompañounos José Luis Carragal, logo levounos ver a exposición sobre Mª Victoria Moreno que inauguraron o sábado 19  na Biblioteca Medal, na antiga escola.

Remataron esta saída dando un paseo ata a illa de Medal,

A clase de 1º na ponte da illa de Medal

A clase de 2º na ponte da illa de Medal

onde merendaron e pasaron o resto da mañá. 

O grupo diante do pombal da illa de Medal

Non podemos deixar de agradecer a  axuda desinteresada que

 José Luis Carragal nos prestou.