Estes días de Nadal, as voluntarias da
biblioteca, estiveron ollando e ordenando o andel 82-F,
que é no que están os fondos que elaboran nas aulas e na biblioteca ao longo dos anos:
Feito por Nós.
Pasárono en grande relendo o libro viaxeiro que fixeran cando estaban na clase de 5º de infantil no curso 2013-2014, case nada.
Como querían compartir ese momento tan agradable que pasaron, ao día seguinte foron na hora de ler á clase de 6º de primaria, onde estaban a maioría d@s autor@s deste fantástico caderno con moitas lembranzas para toda a nosa comunidade educativa.
As gargalladas escoitábanse por todo o
corrredor...
REMATOU
O TRIMESTRE E MAILO DURO QUE FOI POLAS BAIXAS ABUNDANTES QUE TIVEMOS POLA COVID-19, NON HOUBO QUE
CONFINAR NINGUNHA AULA E SEGUIMOS PARA DIANTE.
TANTO
PARA OS E AS QUE PUIDESTES VIR, COMO PARA
AS E OS QUE QUEDASTES NA CASA CONFINADXS
VOUVOS RESUMIR O QUE FIXEMOS ESTE ÚLTIMO MES DE DECEMBRO TAN ESTRAÑO OU MÁIS
QUE O DO 2020.
QUERIAMOS
TENTAR QUE FORA O MÁIS “NORMAL” POSIBLE, ESTE BECHO NON VAI PODER CON NÓS.
DECORAMOS
AS PORTAS DAS AULAS CON MENSAXES DE ÁNIMO E ESPERANZA FEITOS NA CLASE.
ESTE CURSO GAÑARON CLARAMENTE AS ÁRBORES, PERO TODAS
DIFERENTES, BEN LUCIDAS E FEITAS COLABORANDO NA SÚA ELABORACIÓN.
RESPECTANDO AS TRADICIÓNS, ELABORAMOS AS POSTAIS DE NADAL PARA A COMUNIDADE EDUCATIVA COS DEBUXOS
DO ALUMNADO MÁIS PEQUENO E OS TEXTOS CREATIVOS DAS CLASES DE PRIMARIA.
COSTOU
UNHA BARBARIDADE DE TEMPO ESCOLLER ENTRE AS DIFERENTES OBRAS QUE PRESENTARON.
AO FINAL COMBINAMOS OS DEBUXOS COAS TRASEIRAS E QUEDARON UNHAS POSTAIS
PRECIOSAS.
ONTE GRAVAMOS O VÍDEO DE FELICITACIÓN CON TODO O ALUMNADO QUE
PUIDO VIR AO COLEXIO PARA TODAS E TODOS OS QUE QUEDARON NA CASA. MIRÁMOLO HOXE
NAS AULAS.
HOUBO TEMPO PARA LER E XOGAR COAS NOVIDADES DA BIBLIOTECA, E COS FONDOS DO NADAL EXPOSTOS XUNTO A ÁRBORE ADORNADA COS NOSOS ADORNOS.
@S VOLUNTARI@S DA BIBLIOTECA AXUDARON A FACER A MENSAXE DE FELICITACIÓN PARA A EXPOSICIÓN DE NOVIDADES, QUE ESTE ANO FOI TAMÉN EN INGLÉS.
A NOSA ORIENTADORA, BEA,FOI CONTANDO POLAS CLASES O CONTO ¿DÓNDE ESTÁN LAS REINAS DE ORIENTE? DEIXANDO BEN CLARIÑO A
LABOR QUE FAN AS TRES RAÍÑAS.
MALIA NON PODER FACER UN FESTIVAL XUNTOS, VIÑEMOS MOI ELEGANTES PARA FACER UN FIN DE ANO PARTICULAR. 🎄☕🎄☕🎄☕🎄
COMPARTIMOS AS BADALADAS
POR MEGAFONÍA ÁS DOCE DO MEDIODÍA TODAS AS AULAS TOMANDO “GUSANITOS” E LOGO UN
CHOCOLATE CON ROSCA SEGUINDO TODAS AS MEDIDAS DE SEGURIDADE E BEN ABRIGADOS
PORQUE AS FIESTRAS ESTABAN ABERTAS DE PAR EN PAR.🎅🎄 🎅
HOXE LEVARON, XUNTO COAS NOTAS, OS TRÍPTICOS COAS
RECOMENDACIÓNS LECTORAS DE NADAL EN PAPEL.
LEMBRADE CONTINUAR COAS MEDIDAS DE HIXIENE, LAVADE AS MANS
SEGUIDO, POÑEDE MÁSCARA E GARDADE DISTANCIA PARA VIR O ANO QUE VEN CON FORZAS
RENOVADAS E CASE TODO O ALUMNADO VACINADO.
Como estamos a traballar o
proxecto anual “Ponte Sampaio é de Cine”, acordamos pescudar información sobre
mulleres relacionadas co sétimo arte: actrices, directoras, animadoras audiovisuais,
protagonistas, guionistas, deseñadoras, …
Logo de atopar a información
sintetizárona e prepararon un guión en todas as clases.
Para a exposición dos traballos
foron rotando por todas as clases explicando cada un a muller que escolleran
contando porque e o que sabían e
aprenderan delas. Contestaron as preguntas que xurdiron.
Este traballo de lecturas
compartidas, comezámolo na sesión de hora de ler e alongouse o tempo necesario
para completar as rotacións.
Logo de rematar as exposicións
orais, reunímonos na sala de usos múltiples para ver todo o colexio xunto o
vídeo que gravaran na biblioteca "A igualdade e coeducación en Ponte
Sampaio" e o LipDub gravado por todo o centro o xoves pasado “Fábrica de
luz”.
Logo das exposicións orais, os
traballos quedaron expostos no taboleiro de Coeducación e Igualdade, na entrada.
Onte despregamos a alfombra vermella para recibir, nada menos que a
Luís Zahera,
un actor que conta cun GOYAao mellor actor de reparto, entre os moitos premios que leva acadados ao longo da súa traxectoria nas artes audiovisuais.
Ao longo de varias xornadas o alumnado pescudou
información sobre o actor realizando despois unha presentación
multimedia coa súa traxectoria artística que foi proxectada ao principio. Queredes ver de novo a montaxe que fixestes? Pincha aquí
Luís Zaheracompartiu con nós unha xornada"de cine" na que contestou as moitas e variadas
preguntas que lle fixeron.
A través das respostas que deu soubemos detalles sobre o que máis lle gustaba, e o que non tanto, da súa profesión. Ollade e escoitade o que pensaba cando era neno que ía ser ao medrar:
Nas respostas que ía
dando apuntaba detalles e información do que supón unha rodaxe e a terminoloxía
que usan na rodaxe das películas e das series.
A súa materia preferida no colexio era a educación física.
Decidiu que quería ser actor logo de ir cunha das súas irmáns maiores ao teatro.
Non lle gustan nada nin os libros nin as películas de medo e tampouco os musicais.
De ter que escoller un, Petróleo, da serieMareas Vivasé o papel
que recorda con máis agarimo, pero o traballo que máis lle gusta é o
que está por vir... Lembrade como o dixo:
Contou que nos seus papeis
tocáballe case sempre ou morrer, ou matar ao actor protagonista. Considérase moi afortunado na súa profesión por poder vivir exclusivamente do seu traballo como actor.
Malia ser case sempre o malo da
película decatáronse pronto que soamente era "un papel", que na vida real era
todo o contrario e todo o mundo
quedou encantado coa súa amabilidade, sinxeleza e simpatía.
Felicitou aos
artistas que fixeron caricaturas da súa faciana, algunhas tiñan un parecido interesante.
Retratouse co alumnado de todas as clases e
deixounos as pegadas das súas mans plasmadas nunha baldosa, para o noso particular paseo da fama, onde quedarán como lembranza desta memorable visita.
Graciñas Luis Zahera por facer un oco na túa axenda para acompañarnos nesta xornada tan especial. Saímos na prensa:
HOXE COMMEMORAMOS ESTE 25-N NO COLEXIO CUNS MURAIS ELABORADOS POLO ALUMNADO DE INFANTIL E DE CUARTO DE PRIMARIA QUE DEIXAMOS NA ENTRADA Á VISTA DE TODA A COMUNIDADE EDUCATIVA.
LEMBRADE QUE O MÁIS IMPORTANTE É TRABALLAR TODOS OS DÍAS REXEITANDO A VIOLENCIA, EDUCAMOS EN IGUALDADE.
Rematamos a semana cunha
actividade que forma parte do proxecto "Efecto PO2" co que o noso Concello quere concienciar a toda a xente e ao alumnado en particular sobre os efectos que o CO2provoca no noso planeta, a reciclaxe e para previr o Cambio Climático.
Lorena e Sandra, as monitoras que viñeron, comezaron explicando o proxecto e conversando coa rapazada sobre como crían que podería ser a súa cidade ideal.O que lles gustaría que tivera para mellorala ou que houbera nela. Presentaron e leron o libro de Eva Mejuto"A miña cidade" que xa forma parte da nosa biblioteca. Levaron unhas teas xa pintadas cun debuxo de tubos de escape da mesma ilustradora deste libro, Susana Suniaga, e deseguido elixiriron o tema para decorar os panos.
Comezaron en primaria e continuaron na sala de usos múltiples co alumnado de infantil de 4 e 5 anos. As teas, cento por cento orgánicas, tiñan serigrafíados debuxos deseñados por ilustradora do libro e xa estaban preparadas para pintar o fume que saía dos tubos de escape dos panos.
Como as aulas máis grandes son as de 3º e 5º de primaria, quedaron nas súas aulas xunto coa metade de clase de cuarto curso cada un. A cada clase foi unha monitora. Tiveronque porse dacordo nos equipos para escoller o tema arredor do cal debuxar cadansúa tea. Fixeron obras de arte.
O día 27 de novembro, vanse expoñer todos os traballos que se fixeron en todos os centros na Alameda, no paseo das Palmeiras. Lerase un manifesto feito coas ideas e aportacións dos nenos e das nenas dos colexios que participaron nesta xenial actividade.
Pasárono en grande relendo o libro viaxeiro que fixeran cando estaban na clase de 5º de infantil no curso 2013-2014, case nada.
