Día Bibliotecas

 OOOOLA!! 

TEÑO CLARO QUE REPASASTES  AS PARTES DUN LIBRO, QUE É O QUE NOS INDICAN AS ETIQUETAS QUE LEVAN NO LOMBO E QUE LEMBRASTES AS NORMAS DA BIBLIOTECA COS TITORES E TITORAS... 

A PARTIRES DE HOXE RETOMAMOS O PRÉSTAMOS SEMANAL DOS FONDOS QUE PODEREDES FACER NO HORARIO RESERVADO PARA CADA CURSO.

XA COMEZARON TRABALLAR AS VOLUNTARIAS DA BIBLIOTECA QUE VOS AXUDARÁN EN TODO O QUE PRECISEDES NO RECREO.

CAMBIAMOS O EXPOSITOR DO CORREDOR PARA PÓR UNHA ESCOLMA DE FONDOS DO SAMAÍN.

HOXE,  DÍA DAS BIBLIOTECAS ESCOLARES, COMEZARON  A RULAR POLAS CASAS DAS FAMILIAS DO ALUMNADO DO COLEXIO AS MALETAS  VIAXEIRAS CHEAS DE CONTOS, XOGOS, INFORMACIÓN, PELÍCULAS,...

AS VOLUNTARIAS DA BIBLIOTECA FORON AS ENCARGADAS DE REPARTILAS POR TODAS AS AULAS DE PRIMARIA.

AO REMATAR O RECREO, NA HORA DE LER,  DÚAS VOLUNTARIAS DA BIBLIOTECA CONTÁRONLLE O CONTO  "QUÉ HAI EN LA COCIÑA DE LA BRUXA" (Nick Sharratt).

AQUÍ TEDES DOUS DOS PRIMEIROS AFORTUNADOS QUE LEVAN AS MOCHILAS PARA CASA.

NON PODE HABER MELLOR REMATE PARA ESTE DÍA QUE LEVANDO ESTE PREMIO PARA CASA.

ATA  PRONTO !

Recomendacións Lectoras de Verán

  OOOOLA!! 

PASADO ESTE ÚLTIMO ESFORZO FINAL... 

EN DOUS DÍAS CHEGA A FESTA DA PIZZA E AS VACACIÓNS DE VERÁN!!

E UN DÍA DESPOIS ENTRA O VERÁN, MAIS ESTE CURSO ADIANTÓUSE CUNHA CALOR QUE METÍA MEDO.
DÉIXOVOS ESTA GUÍA PARA QUE NOS MOMENTOS DE LECER QUE TEÑADES (NON SERÁN POUCOS) POIDADES LER, ESCOITAR, VER E XOGAR AO LONGO DESTES DÍAS DE VERÁN.

 

Relato curto

 OOOOLA!! 

ESTOU CONTENTÍSIMO DE QUE

 MARIÑA FORA FINALISTA NESTA  

XI EDICIÓN DO RELATO CURTO 

QUE CONVOCOU A FANPA.

RECIBIU O SEU DIPLOMA DAS MANS DE

PAULA CARBALLEIRA, NIN MÁIS NIN MENOS…

AGORA XA TES UNHA PUBLICACIÓN E ESPERO QUE SEXA A PRIMEIRA DE MOITAS MÁIS.

COMPARTO CON TODOS O TEU RELATO 

“VIVIR NA XUNQUEIRA” :

Cando eu era pequena leváronme ao meu fogar, que era preto do parque infantil da Xunqueira.

Eu era moi guapa: tiña a pel bastante bronceada polo sol e uns días levaba un vestido verde, outros un vestido verde con flores brancas e outros o vestido verde con puntos laranxas, todos eles moi fermosos.

A maioría da xente que ía ao parque ignorábame, pensaba que non podía falar e que non era divertida. Había algúns nenos como Cibrán, André, Carol e Mariña que xogaban comigo cando ían ao parque. Que feliz me sentía eu! Ata se lembraron do meu aniversario e preparáronme unha torta de laranxa e déronme un agasallo: un vestido verde, amarelo e marrón.

Pensaredes que agora xa era todo era felicidade, non? Pois estades equivocados. Un día viron uns homes gritando que me querían acoller e coidar eles mesmos de min. Eu non sabía que facer, encantábame o meu fogar agora que tiña amigos. E de súpeto apareceron os meus amigos defendéndome e sumóuselles todo o pobo. Os homes déronse por vencidos e deixáronme quedar en Ponte Sampaio o resto da miña vida. E con esas marcharon moi enfadados diante da feliz xente do lugar.

E así foi a vida da laranxeira do parque da Xunqueira.

Mariña na Biblioteca 

NORABOA, MARIÑA!!!

AS FAMILIAS CONTAN

 

Levamos xa uns cursos convidando ás familias a compartir arredor do mes dos libros, lecturas compartidas coas clases do seus fillos ou fillas.

 

Unha veces foi nas aulas, outras fóra.

Esta é unha pequena mostra das familias colaboradoras, máis foron máis as que participaron.

Agradecemos ás familias a participación e o tempo compartido.

Saída á biblioteca de Arcade.

  OOOOLA!!  

DENTRO DAS ACTIVIDADES PROGRAMADAS POLA BIBLIOTECA ARREDOR DA SEMANA DO LIBRO PROCURAMOS VISITAR A BIBLIOTECA DE REFERENCIA DA NOSA CONTORNA COA QUE COLABORAMOS DENDE HAI MÁIS DUNHA DÉCADA.

ESTE CURSO TODO O ALUMNADO DE E. INFANTIL, MAILO DO PRIMEIRO CICLO DE PRIMARIA, ACHEGÁRONSE ESTE XOVES A ARCADE A VISITAR A BIBLIOTECA “LUÍS SEOANE”.

ACOMPAÑOUNOS O TEMPO E TIVEMOS UNHA ANDADA BEN AGRADABLE.

A PRIMEIRA QUENDA FOI PARA O ALUMNADO MÁIS CATIVO E AO REMATAR COMEZOU A VISITA DO ALUMNADO DE 1º E 2º DE PRIMARIA.

MAR ESTABA ESPERÁNDONOS NA ENTRADA DA BIBLIOTECA.

 ELA FOI QUEN LLES ENSINOU Á BIBLIOTECA E

AS SÚAS NORMAS CONSEGUINDO A ATENCIÓN DESTE PÚBLICO MIÚDO,

 DENDE O PRIMEIRO MOMENTO, COAS SÚAS ARTES DRAMÁTICAS.

LOGO DE FACERLLES A VISITA GUIADA, CHEGOU O MOMENTO DO CONTO.

ESCOLLEU, ENTROUTROS CONTOS O LIBRO DE ERIC CARLE

“ UN JUEGO ” 

E TODOS QUERÍAN XOGAR...

 E  A HISTORIA DE Daniela Kulot

“ UNHA PARELLA DIFERENTE ”

LOGO DE EXPLICARLLES MAR QUE DEIXARAN OS CONTOS NAS MESAS, TIVERON UN TEMPIÑO PARA LER E OLLAR

OS FONDOS DA BIBLIOTECA PARA INFANTIL.

CANDO CHEGOU A HORA DE MARCHAR Patricia, A BIBLIOTECARIA, AGASALLOU A CADA CATIVO CUN CONTO E

 UN MARCADOR, E CONVIDOUNOS TAMÉN A VISITAR A BIBLIOTECA COAS FAMILIAS  CANDO QUIXERAN.

AO SAÍR OS MÁIS PEQUENOS ENTROU A SEGUNDA QUENDA COA RAPAZADA DO 1º CICLO.

RECIBIUNOS NOVAMENTE MAR PARA FACER A VISITA GUIADA

 E EXPLICOULLES, MÁIS POLO MIÚDO, O FUNCIONAMENTO DA BIBLIOTECA.

GOZARON DUNHA CONTADA ANTES DE TER TEMPO LIBRE

PARA BUSCAR E LER OU SIMPLEMENTE OLLAR OS CONTOS QUE LLES RESULTARON MÁIS ATRACTIVOS DE TODA A COLECCIÓN DISPOÑIBLE.

REMATARON A VISITA GOZAR CON CALMA DOS DISTINTOS ESPAZOS DE LECTURA DAS INSTALACIÓNS.

E VAIA SE ASÍ O FIXERON!!

POLO CAMIÑO FIXÉRONSE  ESTA BONITA FOTO COMO LEMBRANZA DESTE DÍA.

SAÚDOS!!